හැන්දෑවට කලින් ගියා


ප්‍රවීන ගායිකා ප්‍රදීපා ධර්මදාස මහත්මියගේ හැන්දෑවට කලින් එන්න ප්‍රසංගයේදී එලිදැක්වුනු පහත ගීතය මා ඉතා අගය කරනම දේශපාලන චරිතය වන ඩලස් අලහප්පෙරුම මහතගේ තෙලිතුඩෙන් ලියවී ඇත. දියනියක නොමැති එතුමාගේ හද ගැස්ම ඒ තුල රාව, ප්‍රතිරාව නැගෙන බව මගේ හැගීමවේ

සත් පියුම් පීදිලා දෙපා පොඩි සිප ගන්න
කිරි මවුන් පේවිලා සෙත් පිරිත් මුමුණන්න
සල් උයන් පිරිවරා නෑ සියන් මඟ බලන
වඩිනු මැන දියණියේ පිය සසර කෙටිවන්න

කුස යහන සියුමැලි ද දෙපා පොඩි ලෙලවන්න
පවක් යැයි සිතුණා ද ලේ කිරට හරවන්න
දෙරණ සේ උහුලනා මවුන් ගිනි සතපන්න
දෙවැනි බුදු නොවී නුඹ
සිතුවා ද බුදුවන්න …!!

Published in: on පෙබරවාරි 20, 2012 at 2:20 ප.ව.  ප්‍රතිචාරයක් ලබාදෙන්න  

PDF file editing

පසු ගිය දවසක මට පන නැගුන අවශ්‍යතාවයකට සැහෙන්න මහන්සිවෙන්න උනා. ඒ ප්‍රශනය තවත් යට එන්න ඇති කියල හිතුන නිසා ලියන්න හිතුව..
මට ඕනේ උනා PDF file එකක් edit කරන්න. ඒකට සැහෙන්න මහසියක් ගන්න සිද්ද උනා. ඉතින් මම ලියන්නම් එක කරගන්න පුළුවන්
විදිහක්. පොඩ්ඩක් ඉවසගෙන ඉන්නකෝ.
ඔන්න …..
එය බොහොම පහසුවෙන් කරගන්න පුළුවන් මෘදුකාංගයක් තමයි INSCAPE කියන මෘදුකාංගය.
www.inkscape.org site එකෙන් පහසුවෙන් download කරගන්න පුළුවන්. තවද එය නිදහස් මෘදුකාංගයක් නිසා නොමිලේම download කරගන්න පුළුවනි.
දැන් නම් ඔයාලට මන් වින්ද දුක විදින්න ඕන වෙන එකක් නැහැ. එකේ වැඩ කරන විදිහ බොහොම සරලයි. ඒ නිසා ඒ ගැන කියන්න ඕන වෙන එකකුත් නැහැ.
නොදන්න තැනක් තිබ්බොත් අහන්න. කියල දෙන්නම්.

Published in: on පෙබරවාරි 4, 2012 at 9:23 පෙ.ව.  Comments (1)  

This slideshow requires JavaScript.

Published in: on සැප්තැම්බර් 1, 2011 at 11:37 පෙ.ව.  ප්‍රතිචාරයක් ලබාදෙන්න  

මස් කන සත්තු වෙමුද?

Javascript is disabled.



මේ ලිපිය ලියන් ගන්නම් මාස ගනණකට කලින් සිදුවීමක් එක්ක.දවසක් මගේ මිත්‍රයෙක් හා මස් ගනත් තිබ්බ අබේවෙල ගිහින්. ඒක අහපු එතන හිටිය තවත් යාලුවෙක් ඇහුව මම නම් හා මස් කන්නෙ නැහැ කියල. මම ඇහුව ඇයි කියල? මිත්‍රය කිව්ව හාව අහිංසක සතෙක් නිසා පව් කියල. ඒ වෙලාවෙ මට හිතුන ඇයි අපිට බැරි හාවට මුවාට තියන ආදරය කුකුලට ,හරකට, එලුවට දක්වන්න බැරි, වතුරේ ඉන්න ඩොල්පින් මාලුවට දක්වන ආදරය සාලය , හාල්මැස්ස,ඉස්ස ,කකුලුව වගේ අයට දක්වන්න බැරි කියලත් හිතුන.
අපේ ශරීරය හැදිල තියෙන්නෙ ශාක භක්ෂක සත්වයෙක් විදිහටයි. මාංශ භක්ෂක සත්වයිට තියෙන්නෙ කෙටි ආහාර ජීර්න පද්ධතියක, අපිට තියෙන්නෙ ඉතා දිගු ආහාර ජීර්න පද්ධතියක ඉතින් අපි කන මස් ටික පැය 24ක් පුරා අපේ ශරීර කුඩුව ඇතුලෙ කුනු වෙනවද? හරියට එම්බාන් නොකරපු මල මිනියකට වනදේ අපේ බඩ ඇතුලේ සිද්දවෙනවද?
මම දැකල තියනව සමහර අය මස් කන එක පව් නිසා කන්නෙ හාල් මැස්සො , කරවල විතරයි ලු. මට නම්

හිතෙන්නෙ ඒක තමයි ලොකුම අපරාධය. මස් කනකොට මුලු ගමක් වෙනුවෙන් මැරෙන්නෙ එක හරකයි. ඒත් හාල්මැස්සන් කනකොට එක මනුස්සයෙක් වෙනුවෙන් කී දෙනෙක් බිලිපුජා කරන්න ඕනෙද? මස් කන මිනිසාගෙන් වන අපරාධයට වඩා කොච්චර වැඩිද කියලත් මට හිතෙනව.
අයි මස් කනකොට මේ රුප පෙල මතක් කර ගන්න. අනික් සත්තුටත් වෙන්නෙ ම් ටිකම තමයි

තව ටික කාලයක් යනකොට මේ විදිහෙ මස් එන්නත් බැරි නැහැ. දැනට කන ඒවත් මේවත් අතර වැඩි වෙනසක් නැහැ නේද?

2011 ලබන දවසේ ඉදල මම තීරනය කලා කුකුලට ,හරකට, එලුවට වගේම සාලය , හාල්මැස්ස,ඉස්ස ,කකුලුව වගේ අයටත් ආදරය දක්වන්න.
මිනිස් සිතකට ලබන්නට බැරි ජයක් කොතනකදෝ…………………………

Published in: on ජනවාරි 6, 2011 at 1:16 ප.ව.  Comments (14)  

යන්න රට වටේ

පසුගිය දවසක පින්නවල හරහා නුවර ගියා. ඒ ගැන ලියන්න හිතුවා.
අපි පිටත් වුනේ උද් 6.00ට . පින්නවලට අපි යන්න බලාපොරොත්තු වුනේ උදේ 9.00ට. ඒත් රථය පැදචුයේ දක්ෂ රියදුරෙක් නිසා පින්නවලට උදේ 10.00 වෙනකොටම යන්න පුලුවන් වුනා. ඔයාල කාට හරිත් වෙලාවට යන්න ඕනෙ නම් පහල ඉන්න ඩයිවර් උනැහේව සම්බන්ද කර ගන්න.

පහත වෙබ් අඩවියේ සදහන්වෙලා තිබ්බෙ උ‍දේ 9.15ට අලි පැටවුන්ට කිරි පොවනව බලන්න පුලුවන් කියල.

ඒකත් බලන්න හිතාගෙන තමයි 9.00ට යන්න සැලසුම් කලේ, ඒත් එතන ඇතුලු වන ස්ථාන‍යේ සදහන් කරල තිබ්බෙ වෙනත් වෙලාවක්, හරියට මතක නැහැ වෙලාව මතක විදිහට 6.30ද කොහෙද? ඒක පෙන්නල ඩයිවර් උන්නැහේ ෂේප් වුනා. ඒකෙන්

ඔන්න අලිටික එලියට ගත්ත විතරයි අපේ නඩේ ගුරා ගත්ත ඇදල හෙණ්ඩුව වගේ කැමරාව. අලි පස්සෙ පන්න පන්න ගත්තනෙ පොටෝ. සුවර් එකට unp එකට හොද අලියෙක් හොයල දෙන්න කන්ට්‍රක් එකක් අරගෙනද කොහෙද?
මේ ඉන්නෙ අලි වටේ කැරකි , කැරකි.

This slideshow requires JavaScript.

නුවර විස්තර ඉදිරියේදී දාන්නම්

Published in: on දෙසැම්බර් 19, 2010 at 12:23 ප.ව.  Comments (2)  

අපේ උරුමයවෙනුවෙන් ඇරඹුනු යුද්ධයක අරුමය

ලගදි දවසක මම කැප්පෙටිපොල විරු සමරු දේශනයකදී විශිෂ්ඨ හෙල නදකට සවන් විවර වුනා. ඒ “රන්වල බලකාය” විසින් මුලු ශාලාව පුරා ගිගුම් දුන් ඒ අපේ හඩ කෙසේ අමතක කරන්නද? එම බලකාය ඉදිරියට ගෙන යන සහන් රන්වල යන්ට දෙපා නැමද අචාර කරමි. අද කාලයේ ලොකු වැටුපක් ලබාගත හැකි කලමනාකාර උපාධියක් සහන්ට තිබුනත් එය පසෙකලා ඔහු විසින් හැඩ ගන්වන අපේ උරුමයේ අපුර්වත්වයෙන් බිදක් මෙන්න…..
මා සිත් ගත් ඒ විශිෂ්ඨ ගීතය මෙන්න… එස්.මහින්ද හිමි නැවත ඉපිදිලාද කියලත් හිතෙනව!!!!!

තව එකක්……

Published in: on දෙසැම්බර් 2, 2010 at 4:48 ප.ව.  ප්‍රතිචාරයක් ලබාදෙන්න  

අපි නොවැම්බර් 26 වෙනිදා මහා වීර දිනය සමරමු!

අපේ මතකයෙන් ඇත්ව නොගිය විරුවෙක් සිහිකල යුතුව ඇති බැවින් නොවැම්බර්26 වෙනිදට ටිකක් කලින් ම මතක් කරන්න හිතුව. එම දිනය මහා වීරයෙක් සිහිකල යුතු දිනයක්, එම දිනය ජාතියම අමතක නොකල යුතු දිනයක් නේද? කියන සිතුවිල්ල මට බොහොම කාලයකට පෙර දැනුනා. ඒ ජාතියේ නිදහස වෙනුවෙන් හිස දුන් එම විරුවා කැප්පෙටිපොල මහ විරුවා වෙනුවෙනි. 1818 නොවැම්බර් 26 දින එතුමා රට වෙනුවෙන් පර සුද්දට හිස දුන් අභීත මොහොත සිහි කිරීම කෙසේ නම් අමතක කල හැකිද? එතුමා වෙනුවෙන් හැම නිවසකම එක් පහනක් හෝ දැල්විය හැකිනම් රට වෙනුවෙන් තව විරුවන් දහසක් බිහිකිරීමට ලක්මවට ධෛර්යය ලැබෙනු ඇත. එය ජාතික යුතුකමක් නේද කියලත් මට හිතෙනව!

ඒ සුන්දර මගෙ රටේ අසිරිය මෙසේ දකිමු!

Published in: on නොවැම්බර් 18, 2010 at 1:55 ප.ව.  ප්‍රතිචාරයක් ලබාදෙන්න  

අරක්කු වලට තිත තියන්න ඇයි පරක්කු!



අපේ ලගින්ම ඉන්න සගයෙක් අරක්කු බීම නතර කරල. ඒ ගැන දැන ගත්තම මට මාරම සතුටක් දැනුනා. මාද සේවය කරන ආයතන‍යේ වැඩපරීක්ෂක ගමගේ තමයි පුද්ගලයා. එම තීරණය ශක්තිමත්ව ඉදිරියට ගෙනියන්න ගමගේට ආදරය කරන හැමොවම දායක කරගන්න ඕනෙ කියල මට හිතුන නිසා ලියන්න හිතුව. ගමගේගෙ අරක්කුත් එක්ක බැදුනු අතීතය ගැන කියනවනම් මට හිතෙන විදිහට ගමගේ බීල තියෙන වතුර ප්‍රමාණයට වඩා වැඩි ඇති බීපු අරක්කු ප්‍රමානය.
මේ සිද්දිය ගැන ලියනකොට මට මතක් උනා මගේ තවත් යාලුවෙක් කියපු කථාවක්.
‍‍^^ මෑන් කියනව එයා නම් ඉදල හිටල අරක්කු ටිකක් බොන්නෙ කියල ඒ නිසා අවුලක් නැහැ කියල ,,,
ඒත් අප් බුදුහාමුදුරුවො පන්සිල් පද 5ක් දීල තියෙනව. මෑන් කියන විදිහට ඉදල හිටල කැඩුවට කමක් නැහැ. එහෙනම් ඉදල හිටල පාටි එකකදී 3වෙනි සිල් පදය මැන් ගෙ බිරිද කඩල දැම්මට කමක් නැහැ නේද කියල ඇහුවම මෑන් එකපාරම බැලුවෙ බිරිදට ඇහුනද කියලයි!
මම නම් කියන්නෙ මගේ මිත්‍රයට අරක්කු බොනවනම් අඩුම තරමින් කරන්නෙ වරදක් බව තේරුම ගන්න ඕ‍නෙ කියන එකයි. තව එකක් ‍අරක්කු බොන අය අරක්කු කියන වචනෙට බයයි. ඒ වෙනුවට “අඩියක්” “සෙට් වෙමු” “ෂොට් එකක්” “පොඩි ඩිරින්ක් එකක්”වගෙ රැපින් වල දවටලයි කතා කරන්නෙ.^^^^

මේ සිරිලංකාවෙ අරක්කු වලට තිත තියන්න හැම අණ්ඩුවකටම බැරි උනේ පාණ්ඩුව හැදිල නිසාද කියලත් වෙලාවකට හිතෙනව. අරක්කු නිසා ජාතියේම ඉදිරිගමන පරක්කු වෙන බව මේ ආණ්ඩුවට කලින් අපේ ගමගේ නම් දැනගෙන තියනව නේද? එහෙනම් හැමෝම එකතුවෙලා දෙමුනේද සපෝට් එකක්. මෙ උගුලෙන් ගමගේව ගොඩ දැම්මොත් මට දැනෙන විදිහට ගමගේගෙ වැටුප අඩුම තරමින් 5000 කින් වත් වැඩි කලා හා සමානයි කියල මටනම් හිතෙනව. එහෙනම් දෙමුද සපෝට් එකක්. ඒ එක්කම හැමොමත් ගමගේ වගේ තිරණයක් ගන්න කොන්දක් ලැබේවා කියල පතනව.

Published in: on නොවැම්බර් 12, 2010 at 1:47 ප.ව.  Comments (3)  

වෛද්‍යවරු හා වෛද්‍යහොරු


ලගදි දවසක් අහන්න ලැබුන බාහිර රෝගී ප්‍රතිකාර අංශය පැය 24 ම විවාත කරන්න යනව කියල. ඒක අහල පැය 24ක් වත් යන්න ලැබුනෙ නැහැ මෙන්න එලිබැස්ස වෛද්‍යයහොරු ටික. පැය 24 වැඩ කරන්න නම් පහසුකම් ගොන්නක් ඉල්ලගෙන.ඉස්සර වෙලාම දොස්තරවරු එලි බැස්සා ඊට පස්සෙ මිසීල ටික එයි රෙද්දත් උස්සගෙන. ඊලගට එයි තුන්ඩු මිසීල (අපේ අක්කගෙ දුව attendant ට කියන නම තමයි ඕක, ). මුන්ට මතක නැහැ මුන්ට නොමිලේ ඉගෙන ගන්තෙ දුප්පත් අම්මල තාත්තල දුන්නු බදු මුදලින් කියල. අනුන්ගෙ පපුවට නලාව තියන්න කලින් තමන්ගෙ පපුවට නලාව තියල ඇහුවනම් කියයි. එක්කො මෙඩිකල් කොලීඡියේදි මුන්ගෙ පපුව අයින් කරල මොලේ විතරක් එවනවද කියල මට හිතෙන්නෙ මොලේ කලදක් වත් මට නැති හින්දද මන්ද?
හවසට චැනලින් වලට යන්න බැරි වෙයි කියල බය වෙන්න ඇති. ලංකාවෙ ඉන්න ඔක්කොම දොස්තරල ටික ස්වෙච්චාවෙන් වැඩිපුර පැයක් වැඩ කාලනම් පැය 24ක සේවයක් දෙන එක මහ ලොකු වැඩක්ද. . රැකියාවක් කියල විතරක් හිතන්නෙ නැතුව සේවයක් කියලත් හිතෙන්නෙ නැද්ද දෙයියනේ. ඇගිලි සලකුනු වලින් පැමිනීම ලකුනු කරන්න හදනකොටත් දුම්මල වරම අරගෙන ඉස්සලම ආවෙ මුන්ටික තමයි.දැන් රෑට බුදියගන්න නැති වෙයි කියල බය වෙන්න ඇති.
“ආරෝග්‍යා පරමා ලාභා” කියලයි අපි ඉගෙනගත්තෙ. ඒත් මේ අයගෙ අදර්ශපාඨය “රෝගියා පරමා ලාභා” වෙන්න ඇති.
(මේ ලිපිය ලිව්වෙ වෛද්‍යහොරු ගැන විතරයි. උතුම් වෛද්‍යවරුන්ගේ හිත් රිදුනානම් මේ ගැත්තාට සමාවුව මැනව)

Published in: on ඔක්තෝබර් 27, 2010 at 12:24 ප.ව.  Comments (2)  

සසර වසනතුරු

1928 දෙසැම්බර් මස 07 බෙන්තරදී උපතලද මෙතුමා ඩොල්ටන් අල්විස් ‍වේ. කුඩා අවදියේදී වෛද්‍ය වරයෙකු වීමේ මෙතුමාගේ සිහිනය විද්‍යාගාරය තුලදීම අතහැර දැමුවේ ගෙම්බෙකු කැපීම නිසා ඇතිවු තිගැස්ම නිසාය. එහි ප්‍රතිපලයක් ලෙස දක්ෂ කවියෙක් සිරිලකට හිමි විය. වසරකට පෙර මා හට ඔහුගේ ගුණ සමරන ගී වර්ෂාවකට සහභාගි වීමේ භාග්‍යයක් මා හට ද උදා විය. එතුමා ගැන සුනිල් ආරියරත්න මහ ඇදුරැ තුමන් කල විවරණය හද පතුලේම තැන්පත් විය. එතුමා සදහන් කල පරිදි යුදගිනි දැල් නොතිබු 70 දශකයට පෙර නිර්මානයවු “උඩගු ලියන් ගොතා බදින ” ගීතය වත්මනේ රණවිරුවෙකු ගේ අගය මැකීයන වත්මන් පරපුරටද (හැමෝම නෙමෙයි) අදර්ශයක් නොවන්නේද

“උඩගු ලියන් ගොතා බදින
නීල වරල සරසන්නට
මා පිපුනේ නැත
මේ දෙරණේ

හිස් මිනිසුන් කුස් පුරවන
සිත් පිනවන- බස් දොඩවන
බොජුන් මේස මත – සුවද හලන්නට
මා පිපුනේ නැත
මේ දෙරණේ

රට වෙනුවෙන් සටනට වැද දිවි දුන්
රණවිරැවකුගේ අවසන් ගමනට
යන මහජනතා පා දුවිල්ලෙන්
තැලී වෙලී සැනහී මිය යන්නෙම්

මගේ පරම පැතුම එයයි…..

එමගට මා විසිකරන්න….”

මේ අරුත තුල අපහට ජනිතකරවන හැගීම දේශපාලන කථා දහසක් ඇසුවත් මා හට නම් ඇති නොවෙයි. මේ ලිපිය තුල ඔහුගේ නිර්මාන සියල්ලටම ඉඩක් වෙන් කිරීමට බැරිවීම ගැන සමාව අයදිමි.
අවසන් වශයෙන් එතුමන් ගේ නිර්මාන අතර මා දකින අග්‍රඵලය වන “සසර වසන තුරු” නිර්මානය මෙලෙස මෙම සටහනට නිමාව තබමි. ඔහු පිලිබද ගවේශණය කිරීමට එම ගේ පද හේතුපාදක විය.

මගේ පරම පැතුමද එයයි……

“සසර වසන තුරු
නිවන් දකින තුරු
පින්කෙත හෙල රන් දෙරණේ
යළි උපදින්නට
හේතු වාසනා වේවා
හේතු වාසනා

රත්නමාලි සෑ කිරනයි
මහ බෝසෙවනයි
තිසා වැවයි සීගරියයි
මගේ උරුමයයි”

(අන්තිම ‍කවියට තව උරුම දේවල් ටිකක් එකතු වුනා නම් හොදයි නේද කියල මට හිතෙනව…)

සාලිය සහෝදරයා විසින් මාවෙත එවනලද එම ගීතයේ හඩ මෙසේ ඇතලත් කලෙමි.

වසරකට පෙර මා හට ලැබුනු එම ගුණ සමරු අවස්ථාවේදී මගේ කාචයේ සටහන් කිහිපයක් මට සොයා ගන්න ලැබුනා.

This slideshow requires JavaScript.

Published in: on ඔක්තෝබර් 20, 2010 at 12:45 පෙ.ව.  Comments (3)